سرلیکنه
اوباماچې دخپل حکومت په پیل کې ېې تر۲۰۱۴پورې له افغانستانه دناټواوامریکايي پوځونوداستلومهالویش ټاکلی و دمهالویش سره سم ېې له افغانستانه نورپوځونه واستل خودافغان پوځیانو دروزنې په نامه چې په حقیقت کې يې دناامنه وضعیت دکنټرول غرض و ۹۸۰۰پوځیان ېې پریښودل .
تیرکال چې کندز طالبانو ونیو او دروان کال له پیله چې دهېواد په یوشمیر ولایاتوکې دطالبانو مسلسل بریدونه زیات شول په افغانستان کې دامریکایي پخوانیو اواوسنیودیپلوماتانو په شمول امریکایي جنرالانو له واشنګټنه وغوښتل چې دمهالویش سره سم نور پوځونه له افغانستانه ونه باسي .
د پروګرام سره سم وروسته باید له ۹۸۰۰څخه په فغانستان کې تر۲۰۱۷میلادي کال پوري ۵۵۰۰ پوځونه پاتې واې خو د دیپلوماتانو او پوځي جنرالانو په غوښتنه چې پراشرف غني اوډاکټرعبدالله هم دامریکایي پوځونو دکمولو دویرې خپسه ناسته وه اوباما پرې غورپیل کړ.
په وارساکې چې دناتو دتړون د۲۸غړو هېوادونو غونډه پیل شوه اشرف غني او ډاکټر عبدالله دواړو له اوباما وغوښتل چې په افغانستان کې دبهرنیوپوځونوشمیر ه راکمه نکړي.
په افغانستان کې دامریکایی جنرالانو اوسیاسي چارو دشنونکو دمعلوماتو پر اساس حکومت په اقتصادي ، نظامي او سیاسي لحاظ په ګونډوشوی دی او دسقوط ورځې او شپې ېې شمیرل کیږي .
اوس چې له ۹۸۰۰پوځونو څخه اوباماد ۸۴۴۰پوځیانو د پاتی کیدوپریکړه کړې په اشرف غني اوډاکټر عبدالله کې نیمه ساپاتې شوه او هغه په دې چې داوباما د کړې وعدې په اساس دامنیت دخرابوالي په صورت کې که اړتیاولیدل شوه نورپوځونه به هم درته زیات کړم خودا یوڅه کموالې دپروګرام برخه ده .
امریکا دیادشمیر پوځونو څخه ۶۴۰۰پوځیان دافغانسان دامنیت دکنترول او دطالبانو پرمرکزونوداړتیاپرمهال د بمباریولپاره ځانګړي کړي دي خوپه ظاهره وایی چې داپوځونه موپه افغانستان کې دافغان پوځ دروزنې په موخه پریښي دي.
په افغانستان کې پخوانیو دیپلوماتانو ، پوځې جنرالانو اود وارساغونډې ته ورغلي اشرف غني او عبدالله په دې تمه وو چې اوباما به زموږ په غوښتنو پرشتوپوځونو نورپوځونه هم ورزیات کړي چې حکومت به له سقوطه وژغوري .
په دې پوځونو سره که هرڅودافغان پوځ سره مرسته وکړل شي دطالبانو دبریدونواو نورو سیمو دلاسه د وتلومخه نه نیول کیږي .
تیره میاشت دامریکا دسناپه مجلس کې پردې بحث وشو چې په افغانستان کې دامریکايي پوځونو په موجودیت، استلواو پاتې کیدوکوم حالت کې دامریکا ګټه ده ، هره پریکړه چې دسنا مجلس کړي وي اوباما پرهغې عمل کوي .
اوباما په دې خاطر چې داشرف غني او عبدالله کچکول خالي پاتې نه شی په افغانستان کې ېې دښځودښوونې او روزنې لپاره چې دنارینه و سره په دولتي او نا دولتي ادارو کې مساوي ونډه ولري دنورو مرستوعلاوه ېې ۲۵ملیونه ډالرمرسته ورسره اعلان کړه او په هېوادکې دعیاشې دیمکراسۍ غرب نظره یوشمیر ښځوپرې خوښي څرګنده کړه .
داچې هرڅه پریکړه دامریکا دسنا مجلس کړې وي هغه دامریکا مطبوعات هم نه په ډاګه کوي خو د اوباما له کړنو داسې ښکاري چې نور ې به د افغانستان سره مرستې کمې کړي .
امریکايي جنرالان ،اشرف غني ، عبدالله او یوشمیر بهرني دیپلوماتان دافغانستان په اړه دامریکا دکړو ژمنوپه ډاډ دامنیت ډاډ ورکوي خو وايي دفغانستان امنیتي وضع او اقتصاد مخ په ښه کیدودی خوسره د ډاډ او مرستو حکومت دړنګیدو پر پوله ولاړد ی
