سرليکنه
د ترې جمعې په ورځ په بلخ ولايت مزار شريف کې، د شاهين قول اردو پر مرکز طالب وسله والو ناببره بريد وکړ چې د رسنيو په معلوماتو ١٤٠ تنه عسکر پکې ووژل شول. امکان لري د سختو ټپونو له امله د وژلو شویو شمير نور هم زيات شوى وي خو که ١٤٠ تنه یې وشميرو، بيا هم د دې بريد پريکړه يوه سخته او ناببره پريکړه وه چې د ٢٠٩ شاهين په قول اردو شوې ده.
په بلخ ولايت کې پر شاهين قول اردو د ناببره بريد وروسته د دفاع وزير، جنرال عبدالله حبيبي او لوى درستيز، قدم شاه شهيم له خپلو دندو د استعفاګانو ناببره پريکړې وکړې، چې د يوې خوا په مزارشرف کې مرګونی بريد او د بلې خوا د دوه لوړ پوړو چارواکو ناببره استعفاګانې حيرانوونکې پيښې وې.
په مزارشريف کې چې پر٢٠٩شاهين قول اردو طالب وسله والو بريد وکړ دبلخ ځايي چارواکو دامريکايي او ناتو ځواکونو مرسته وغوښته چې امريکايي ځواکونه ورته ناببره وويل موږ پکې نه يو.
د دفاع وزير او لوې درستيز د استعفاګانو لږ وروسته افغانستان ته د امريکا د دفاع وزير، جيم مټييس ناببره سفر وکړ او ناببره یې د اشرف غني او عبدالله سره وکتل چې د افغانستان د دفاع وزير او لوی درستيز په ناببره استعفاګانو یې انديښنه وښودله .
تيره دوشنبه طالب وسله وال په خوست ولايت کې د امريکايي ځواکونو په يوه اډه ناببره بريد وکړچې د امريکا دفاع وزير یې نورهم انديښمن کړ، چې څرنګه په افغانستان کې له يوې خوا، امريکا د نوې پاليسې لپاره غور کوي او ورسره تر څنګ نا ببره بريدونه او استعفاګانې وشوې.
په افغانستان کې د امریکایي ځواکونو یوه ویاند، کپتان ویلیم سالوین د خوست پیښه تائيد کړې ده
خو په خوست کې د امريکا پر پوځي اډې د بريد له امله یې امريکايي پوځ ته د تاوان څه نه دي ويلي. ويليم سالوين هم انديښمن دی چې په نږدي وخت کې پرلپسې ناببره بريدونه به طالبان په افغانستان کې د خپلو قوماندانانو د غچ اخستلو په اړه کوي؟ او که به دا ښکاره کوي چې که د سولې له ليارې د افغانستان مسئله حل نه کړل شي د جګړې توان هم لرو.
دا چې طالب وسله والو په افغان امنيتي ځواکونو نا ببره بريدونه زيات کړل، دفاع وزير او لوی درستيز ناببره استعفاګانې وکړې ايا افغان حکومت او د بهرنيو پوځونو قوماندان به دطالب وسله والو په مقابل کې ناببره عملياتو ته اړ کړي او که به په خپله بې وسۍ چوپ پاتې شي؟
افغانستان ته د امريکا د دفاع وزير مټييس څخه دمخه د ټرمپ د ملي امنیت سلاکار، جنرال مک ماسټر هم افغانستان ته په ناببره سفر راغلى و چې تر تلو وروسته یې، په افغانستان کې ناببره بريدونه پيل شول.
