د ملګرو ملتونو د بشر ، د حقوقو او بې سرحده يا بې پولو ژورناليستانو ټولنې د۲۰۱۵ کال د نا امنيو د کډوالو په اړه خپل راپور نشرته وسپاره، چې د ۲۰۱۴ ز، اونورو کلونو په پرتله پکې زياتې وژنې او بې کورۍ رامنځ ته شوې دي. د بې پولو خبريالانو ټولنې تېره ورځ په خپل کلني راپور کې اعلان کړه ، چې د نړۍ په کچه په ۲۰۱۵ کال کې ټول ۱۱۰تنه خبریالان او د رسنيو کارکونکي وژل شوي دي. په دې وژلوشوو ژورناليستانو کې ۶۷ تنه ژورناليستان د ژورناليستيکي فعاليتونو په دوران او پاتې نور يې د زورواکو او دولتي قانون نه پيژندونکو لخواوو څخه په نا څرګندو لاملونو وژل شوي دي، چې تېرکال ۲۰۱۴ او هم د۲۰۰۵ را په دې خوا دژورناليستانو لپاره ۲۰۱۵ ترټولو وژونکی کال و. او ځيني هېوادونو څخه ېې چې لا د ژورناليستانو ټولنې ته راپورونه نه دي ترلاسه شوي، امکان لري ژورناليستيکي فعاليتونو کې يو شمېر ژورناليستان نيول شوي او زنداني شوي هم دی، چې د خلاصون په اړه يې معلومات په لاس کې نشته. ډېری داسې شوی دي چې ځيني ديکتاتورو حکومتونو نيوال شوي ژورنالیستان يو ځل د ژورناليستانو د ټولنې او سيمه ييزو ژورناليستانو په غبرګون پرېښي دي ؛ خو په دويم ځل يې د نيولو ورسته تری تم کړي دي او تراوسه يې د مرګ ژوند معلومات په لاس کې نشته .
د ملګرو ملتونو د امنيت شورا د تېرو ۱۵ کلونو راپه دېخوا د ژورناليستانو د حقوقو د خونديتوب ادعاوې اوژمنې کوي؛ خو يوه يې هم نه ده عملي شوې. د ژورناليستانو نړيواله ټولنه ( R S F ) په خپل راپورکې زياتوي ، چې ترتولو زيات زورناليستان په عراق او هند کې وژل شوي دي. په عراق کې د داعش د ډلې په شتون او هند کې د هند حکومت او سيکانو ازادي غوښتونکيو يا کشميري بيلتون غوښتونکو په نا امنيو کې ژورناليستانو خپل ژوند دلاسه ورکړی دی.
ترعراق او هند وروسته فرانسه کې چې د۲۰۱۵ کال په دوران کې يوه رسنيز مرکز بريد کې په يوه وخت ژورناليستان او د رسنيو کارکوونکي ووژل شول يادونه شوې ده . د ايران په اړه په تمامو وژنو او په تېره بيا په اعدامونو نيوکې شوي دي، چې په تېر ۲۰۱۵ کال کې تر۸۰۰ زيات کسان په دار ځړول شوي دي.
د افغانستان په اړه په نړيوال راپور کې د دولت او مخالفينو وسله والو ترمنځ په جګړو کې د ولسي وګړو او هم په جګړه کې د ښکيلو خواوو يادونه شوې ده؛ خو په ۲۰۱۵ کال کې د هېواد د نورو څو ولاياتو په پرتله د داعش نوې وسلوالې ډلې په وژنو نيوکې شوي دي ، چې په تمامه توګه ولسي وګړي لومړی زنداني کوي او بيا يې وژني .
د نړيوالې ټولنې راپور څرګنده وي ، چې په افغانستان کې د ژور ناليستانو حقوق په ځای د دې چې مراعت شي تر پښو لاندې کېږي او آن تردې چې ژورناليستانو ته مرګوني ګواښونه کېږي، هم يې د دولت خپلسري چارواکي ګواښي او هم ورته وخت په وخت د دولت مخالف وسله وال ګواښونه کوي ؛ خو په نړیوال راپورکې د دولت د مخالفو وسله والو لخوا د کوم ژوناليست د وژنې يادونه نه ده شوې.
