« سرليکنه »
نور هېوادونه د ترقۍ د انکشافاتو ، اختراع ګانو او د انساني ژوند د پرمختګ لپاره تاريخ جوړوي، هرواکمن چې واک ترلاسه کړي د خپل هېواد په تاريخ کې د خدمت يوه کارنامه يا بېلګه ترشاه پرېږدي؛ خو افغانستان يوازينی هېواد دی چې د هرواکمن د واکمنۍ په دوره کې جګړې او کډواليو زور موندلی دی ؛ ځکه خو ورته يو شمېر د افغانانو د تاريخ د ښمنانو د جګړې لپاره مناسب هېواد ويلی .
معنا دا چې نور دی پرمختګ او افغانان دې جګړه کوي چې د تېرو تاريخونو او د جګړو دا مداخله تر نن ورځې پورې په افغانستان کې د جګړې اور بل دی ، ګټې يې نورو ته رسېږي او د جګړې په اور کې افغانان سوزي . اوس چې د افغانستان په خاوره د تېر په څېر د جګړې اور بل دی په کال کې يوځل بيا د سولې لپاره خبرې پېل شي بيا ټول کال د افغانانو د وينو په تويدو او مرګونو جګړه روانه وي.
د تېر کال د جولای مياشتې را په د ېخوا بيا د افغانستان د سولې په اړه غونډې په داسې حال کې پېل شوې ، چې د نورو کلونو په نسبت په ۲۰۱۵ ز کال کې جګړې زور وموند، دا دی بيا د امريکې په شمول د پاکستان ، افغانستان او چين په استازيتوب څلور اړخيزې کميټې په اسلام اباد او کابل کې غونډې وکړې او د بلې راتلونکې غونډې لپاره شايد بيا اسلام اباد په ګوته شي ؛ خو دا چې په تېرو دروغونډو کې څه وشول ؟ په ښکاره د جګړې د بندولو څه نه ښکاري!
يوازې دومره ويل شوي ، چې د مذاکراتو لپاره نقشه جوړېږي ، چې د دې غونډې نه افغان ولس د کاميابۍ دومره هيله نه لری. په کابل کې چې څلور اړخيزه غونډه پای ته رسيده افغانانو د يوه ښه زيري اميد لاره؛ خو د دې غونډې پايله هم د تېرو غونډو په څېر وه دا دی د اسلام اباد او کابل څلور اړخيزو غونډو ترڅنګ په قطر کې د پګواش لخوا هم دويمه غونډه وشوه ، چې پکې د تېرې غونډې په څېر يو شمېر په قطر کې طالب مشرانو ، د افغانستان سياسي اشخاصو او د معلوماتو له مخې د پاکستان او هندوستان سفارتکارو هم برخه اخيستې وه . په څلور اړخيزو غونډو کې د جګړې د بندېدو او د سولې په اړه تر اوسه په ښکاره څه نه دي ويل شوي ، چې يادونه يې وکړو؛ خو د قطر په پګواش لخوا جوړه شوې غونډه کې د طالب مشرانو لخوا د سولې د مذاکراتو د کاميابۍ او پرمختګ لپاره د بهرنيو وتل ، د طالب مشرانو د تورليست څخه ايستل ، د زندانيانو پرېښودل د سرټکي يادشوي ، چې دغې غونډې ته له افغانستان څخه ځينې مخور اشخاص ورغلي وو او دولت يې د ګډون بلنه نه وه منلې.
په قطر کې د پګواش لخوا د رابلل شوي د لومړۍ غونډ څخه د نوې شوې غونډې يو توپير دا ليدل کېده ، چې د جګړې د پای ته رسيدا او په سوله ټينګار پکې ليدل کېده، چې په ۱۸ يادو ټکو کې د ښځو د حقوقو خوندي کيدا هم ځای شوې ده .
که مونږ د دې يوې جګړې د بندولو په اړه چې په افغانستان کې روانه ده د څلور اړخيزې کميټې او په قطر کې د پګواش رابلل شوې غونډې ته نظر وکړو ؛ نو د سولې په اړه مذاکرات ساړه او جګړه تنده روانه ده او افغان ولس د يوې کاميابې سولې انتظار باسي.
